रुपन्देहीमा मतगणना शुरु


 

गणना भैरहवाको २ ठाउमा

नरेश के.सी.

२२ मंसिर, भैरहवा । दोस्रो चरणको निर्वाचन अन्र्तगत रुपन्देहीमा हिजो सम्पन्न निर्वाचनको मतगणना शुरु भएको छ ।

जिल्लाको ५ वटै निर्वाचन क्षेत्रको मतगणना केहीबेर अगाडी भैरहवामा भइरहेको छ । क्षेत्र नम्बर १, २ र ३ को मतगणना भैरहवा बहुमुखी क्याम्पस, शान्तिनगरमा भैरहेको छ भने क्षेत्र नम्बर ४ र ५ को शैक्षिक तालिम केन्द्र बसडिलवामा भैरहेको छ ।

क्षेत्र नम्बर १ मा ८७ हजार १९ मत खसेको थियो । जुन सो क्षेत्रमा रहेको कुल मतको ७५ दशमलब २१ प्रतिशत हो । यसैगरी क्षेत्र नम्बर २ मा ७४ हजार ४ सय ९ मत खसेको थियो जुन सो क्षेत्रमा रहेको कुल मतको ७० दशमलब ६३ प्रतिशत हो । यसैगरी क्षेत्र नम्बर ३ मा ८४ हजार १ सय ६२ मत खसेको हो । जुन सो क्षेत्रमा रहेको कुल मतको ७७ दशमलब ०२ प्रतिशत हो । यसैगरी क्षेत्र नम्बर ४ मा ६७ हजार ८ सय ६१ मत खसेको हो । जुन ७५ दशमलब ५५ प्रतिशत हो । यसैगरी क्षेत्र नम्बर ५ मा ७९ हजार ५ सय ६४ मत खसेको हो । जुन सो क्षेत्रमा रहेका कुल मतको ७४ दशमलब ४८ प्रतिशत हो ।

मतगणना स्थलमा सिसी क्यामेरा देखी उच्च सुरक्षा सर्तकता अपनाइएको रुपन्देहीका प्रहरी प्रमुख एसपी श्याम ज्ञवालीले जनाए ।

मतगणना दुबै ठाउमा शुरु भएको मुख्य निर्वाचन अधिकृत नरिश्वर भण्डारीले जानकारी दिए । मतगणना स्थलमा उम्मेदवार सहित सन्चारकर्मि, पर्यवेक्षक र विभिन्न दलका प्रतिनिधीको बाक्लो उपस्थिीति रहेको छ ।

यसमा तपाइको मत

समाचार बाट अन्य समाचार