भैरहवा । तिलोत्तमा नगरपालिका वडा नं. ५ माणिग्राम चोकस्थित रेडियो लुम्बिनीको कार्यालय अगाडि विशेष रक्तदान कार्यक्रम सम्पन्न भएको छ ।
नेपाल स्वयंसेवी रक्तदाता समाज ओमसतिया शाखाको आयोजना तथा हाम्रो मलेशियन कार्निस एण्ड जिप्सन सप्लायर्सको प्रयोजनमा शनिबार उक्त विशेष रक्तदान कार्यक्रम सम्पन्न भएको हो ।
तिलोत्तमा नगरपालिका वडा नम्बर ५ का वडा अध्यक्ष चेत नारायण भण्डारीको प्रमुख अतिथ्यता एवं सबिन गुरुङको विशिष्ट अतिथ्यतामा भएको विशेष रक्तदान कार्यक्रममा ४३ जना रक्तदाताहरुले रक्तदान गरेका थिए । सोही कार्यक्रमका बीच ६८ पटक रक्तदान गरेका पुर्णचन्द्र सुवेदीलाई नेपाल स्वयंसेवी रक्तदाता समाज ओमसतिया शाखाले सम्मान गरेको थियो ।
नेपाल स्वयंसेवी रक्तदाता समाज ओमसतिया शाखाका अध्यक्ष गिरिजा शाही ठकुरीको अध्यक्षता तथा रक्तदाता समाज ओमसतिया शाखाका सचिव संजय गुरुङको सञ्चालनमा रहेको उक्त रक्तदान कार्यक्रमको संयोजन लक्ष्मी गुरुङले गरेकी थिइन् ।
यस अघि नेपाल रेडक्रस सोसाइटी रुपन्देही जिल्ला शाखा रक्तसञ्चार केन्द्र, बुटवल तथा सिद्धार्थनगरद्धारा आयोजित ५५ औं रक्त सञ्चार दिवस कार्यक्रममा सय युनिट भन्दा बढी रक्तदान गर्ने संस्थाहरु मध्ये १ सय ६० युनिट रगत सङ्कलन गरी ओमसतिया शाखा सर्वोत्कृष्ट भएको नेपाल स्वयंसेवी रक्तदाता समाज ओमसतिया शाखाका सचिव संजय गुरुङले बताए ।
