भैरहवा, भदौ २९ । भैरहवाको रुपन्देही क्याम्पसमा असोज १ गतेदेखि भौतिक उपस्थितिमा कक्षा सञ्चालन हुने भएको छ । मंगलबार एक सुचना जारी गर्दै क्याम्पसले भौतिक उपस्थितिमा कक्षा सञ्चालन हुने जनाएको छ ।
जिल्लामा पछिल्लो समय कोभिड-१९ को संक्रमण दर घटेको र स्थानिय निकायको निर्णय अनुरुप स्वास्थ्य मापदण्डको पालना गर्दै भौतिक उपस्थितिमा कक्षा सञ्चालन गर्न लागिएको क्याम्पस प्रमुख पार्थिवेन्द्र उपाध्यायले बताए । भौतिक कक्षाहरु बिहान ६ बजेदेखि सञ्चालन हुने क्याम्पसले प्रशासनले जनाएको छ ।
क्याम्पसले अहिले अनलाईन माध्यमबाट कक्षाहरु सञ्चालन गर्दै आएको छ र अब त्यसलाई असोज १ गतेदेखि भौतिक उपस्थितिमा सञ्चालन गर्न लागिएको जनाएको छ ।
