पशुपति यादव
धकधई, २९ भदौ । जिल्लाको रोहिणी गाउँपालिका वडा नम्बर ४ तरकुलहा आगलागी भइ प्रभावित भएको परिवारलाई गाउँपालिका अध्यक्ष सनोज कुमार यादवले खाद्यन्न सहयोग गरेका छन् । आइतबार साँझ खाना पकाउने क्रममा आगलागी भइ प्रभावित भएको फुलचन केवटको परिवारलाई अध्यक्ष यादवले खाद्यन्न सहयोग गर्नुका साथै औषधि उपचारमा सहयोग गर्ने आश्वाशन दिएका छन् ।
त्यस्तै तत्काल नेपाल रेडक्रम सोसाईटी उप-शाखा धकधईको पहलमा र नेपाल रेडक्रस सोसाईटी जिल्ला शाखा रुपन्देहीको सहयोगमा पिडित परिवारलाई त्रिपाल, कम्बल, बाल्टी लगायतका सामग्री वितरण गरिएको शाखाका कोषाध्यक्ष गनपत गुप्ताले जानकारी दिए ।
जिल्ला शाखाका मन्त्री आर मोहम्मद खाँ, सह-कोषाध्यक्ष पुर्णिमा रौनियार, दुर्गा चौधरी, धकधई इलाका प्रहरी कार्यालय इन्चार्ज लगायतको उपस्थितिमा उक्त सहयोग गरिएको प्रभावित परिवारले जानकारी गराएका छन् । जनताका लोकप्रिय र सहयोगी भावना भएका रोहिणी गाउँपालिकाका अध्यक्ष यादवले विगतमा पनि गरिब, दुखि, आशय र दलित वर्गहरुलाई सहयोग गर्दै आएका छन् ।
