भैरहवा । रुपन्देहीमा खुकुरी प्रहारबाट एक जनाको हत्या भएको छ । रुपन्देहीको शुद्धोधन–३ बेतानीमा गएराति प्लाई उद्योगमा काम गर्ने पश्चिम नवलपरासीको सुस्ता-३ का अवधेश चमारको खुकुरी प्रहारबाट हत्या भएको हो ।
सोही उद्योगमा काम गर्ने भारतीय मजदुर रवि सिंहले खुकुरी प्रहार गरी चमारको हत्या गरेको जिल्ला प्रहरी कार्यालय रुपन्देहीले जनाएको छ ।
मादक पदार्थ सेवन गरेका मजदुरहरु बिच विवाद भएका कारण खुकुरी प्रहार भएको प्रहरीले जनाएको छ । रविले अवधेशलाई खुकुरी प्रहार गरेपछि उनका बाबु गोपिचन्दलाई समेत प्रहार गरेका थिए ।
खुकुरी प्रहारपछि अस्पताल लैजाने क्रममा अवधेशको बाटोमै मृत्यु भएको र उनका बाबु र खुकुरी प्रहार गर्ने रविको लुम्बिनी प्रादेशिक अस्पताल बुटवलमा उपचार भइरहेको प्रहरीले जनाएको छ ।
