भैरहवा । दिवंगत नेपाल कम्युनिष्ट पार्टी (माओवादी) केन्द्रको रुपन्देही जिल्ला इन्चार्ज रामप्रसाद बन्जाडे (टंकमणि) लाई श्रद्धान्जली दिन नेकपा माओवादी केन्द्रका अध्यक्ष तथा पुर्व प्रधानमन्त्री पुष्पकमल दाहाल (प्रचण्ड) बुटवल आउने भएका छन् । नेकपा माओवादी केन्द्र रुपन्देहीका संयोजक निर्मल जिसीका अनुसार मङ्सिर १४ गते बन्जाडेको ७ औं पुर्ण्यतिथिमा श्रद्धाञ्जली अर्पण गर्न अध्यक्ष प्रचण्ड बुटवल आउने भएका हुन् ।
नेपाल कम्युनिष्ट पार्टी (माओवादी) केन्द्रका केन्द्रीय सम्मेलन आयोजक समिति सदस्य समेत रहेका स्वर्गीय बन्जाडेको मृत्यु भएपश्चात पार्टी को निर्णयअनुसार ३ दिन सम्म पार्टीको झण्डा झुकाउने र सोहि कारण मङ्सिर ११ गते तय गरिएको नगर अधिवेशन केहि समयका लागि स्थगित गरिएको हो । नेकपा माओवादी केन्द्र रुपन्देहीका संयोजक जिसीका अनुसार रुपन्देहीभर स्थगित भएको नगर अधिवेशन मङ्सिर १८ गते सम्म सम्पन्न हुने छन् ।
