दीपक जैसवाल
सूर्यपुरा । रुपन्देहीको गैंडहवा गाउँपालिका वडा नम्बर ४ द्वारा १२१ छात्राहरूलाई साइकल वितरण गरिएको छ । शिक्षा क्षेत्रमा छात्राहरूको सहभागिता बढाउन र पठनपाठनमा ल्याउन वडा कार्यालयद्वारा साइकल वितरण गरिएको हो ।
वडा कार्यालयले बिनियोजन गरेको बजेटबाट वडा नम्बर ४ भित्रका विभिन्न विद्यालयका कक्षा ८ देखि १० सम्म अध्यनरत छात्राहरुलाई पठनपाठन गर्न समयमै विद्यालय पुग्न सहज हुने उद्देश्यले साइकल वितरण गरिएको वडा अध्यक्ष सुरेन्द्र सिंहले बताए ।
सोमबार भएको उक्त कार्यक्रमलाई सम्बोधन गर्दै प्रमुख अथिती प्रदिप कुमार चौधरीले गैंडहवा गाउँपालिकालाई शिक्षित गाउँपालिकाको रुपमा विकास गर्न गाउँपालिकाले विशेष ध्यान दिनुपर्ने र शिक्षा क्षेत्रमा लगानी गर्नुपर्ने आवश्यकता रहेको बताए । आजका विद्यार्थीहरु भविष्यका कर्णधार रहेको बताउदै उनले विद्यार्थीहरुका लागि पढाईसंगै अतिरिक्त क्रियाकलापहरुको समेत आयोजना गर्नुपर्ने आवश्यकता रहेको उनले बताए ।
वडा नम्बर ४ का वडा अध्यक्ष सुरेन्द्र सिंह कुर्मीको अध्यक्षतामा सम्पन्न भएको उक्त कार्यक्रममा वडा नम्बर २ का वडा अध्यक्ष तुल बहादुर पुन , वडा सदस्य तुल बहादुर विश्वकर्मा, ओलीरहमान धोबी, शोभा यादव, राकेश केवट, मिरा कोहार लगायतले मन्तव्य राखेका थिए ।
