अञ्जना चौहान
लुम्बिनी । लुम्बिनी सांस्कृतिक नगरपालिका स्थित श्री मसिना नरेन्द्रपुरी उच्च मा वि का विद्यार्थीहरुलाई एक समाजसेवी युवाले शैक्षिक सामाग्री वितरण गरेका छन् । आइतबार एक कार्यक्रमका बीच समाजसेवी सन्तोष कुमार मौर्याले विद्यालयमा अध्धयनरत कक्षा २ र ३ का १ सय ४० जना विद्यार्थीहरुलाई कापी, कलम, कोल्गेट, तुथब्रस, साबुन, बिस्कुट लगायतका सामाग्रीहरु वितरण गरेका हुन् ।
मोग्लाहा बेसक्याम्पका असई, समाजसेवी, बुद्धिजीवी, विद्यालयका शिक्षक लगायतको रोहबरमा भएको उक्त कार्यक्रममा उपस्थित वक्ताहरुले विद्यार्थीहरुलाई गरिएको सहयोग एक पुनित काम रहेको बताए ।
समाजसेवी मौर्या एक पानी सप्लायर्सका संचालक हुन् । उनी गरिब, विपन्न, असहाय व्यक्तिहरुलाई सहयोग गर्ने जस्ता कार्यमा सक्रिय छन् ।
