दिपक कलवार
सूर्यपूरा । रुपन्देहीको गैंडहवा गाउँपालिका वडा नम्बर ५ को आर्थिक सहयोगमा ५ दिने किशोर किशोरी सशक्तिकरण कार्यक्रम सम्पन्न भएको छ । विशनुपुरा साथी सञ्जाल तथा सजन चौधरीको प्रशिक्षणमा वार्ड नं ५ मा पुस १५ गते देखि शुरू भएको कार्यक्रम पुष १९ गते गिदहियामा सम्पन्न भएको हो ।
उक्त कार्यक्रमको समापन संगिता हरिजनको अध्यक्षता, गैंडहवा गाउँपालिका अध्यक्ष बच्चुलाल केवटको प्रमुख अतिथ्यता, वडा नं ५ का वडाअध्यक्ष कृष्ण शंकर प्रसाद गुप्ताको विशिष्ट अतिथ्यता, वडा सदस्य पवन कुमार चौधरी, समाजसेवी सन्तु प्रसाद धवल लगायतले मन्तव्य राखेका थिए र सहभागीहरुलाई टिका लगाएर प्रमाण पत्र वितरण गरिएको थियो ।
उक्त विशनुपुरा साथी सञ्जालमा ३५ जनाको सहभागिता रहेको थियो । किशोर किशोरीसशक्तिकरण तालिम लिएर रिकाल हरिजन प्रथम हुनमा सफलता भएकि थिइन्, त्यस्तै रुपा कुमारी कुर्मी दोस्रो र अभिषेक गुप्ता तेली तेस्रो भएका थिए । कार्यक्रममा सहभागी सम्पूर्णले गैंडहवा गाउँपालिका वडा नं. ५ ले आफुहरुलाई एउटा सीप सिकाएर रोजगारीको अवसर सिर्जना गराएको भन्दै वडाध्यक्ष कृष्ण शंकर प्रसाद गुप्ताले किशोर किशोरीसशक्तिकरण तालिममा सहभागी भएका किशोर किशोरीलाई धन्यवाद ज्ञापन गरेका थिए ।
