पशुपति यादव, धकधई । राष्ट्रिय प्रजातन्त्र पार्टीका केन्द्रीय सदस्य ताहिर अलिको पहलमा रोहिणी-६ पशुपति आधारभूत विद्यालय पर्सामा स्वीटर वितरण गरिएको छ । प्रजातन्त्र पार्टीका ताहिर अलि र विद्यालय व्यवस्थापन समितिका अध्यक्ष नगेन्द्र प्रसाद धवलको पहलमा विद्यालयका ३ सय ४० विद्यार्थीहरुलाई न्यानो स्वीटर वितरण गरिएको हो ।
जाडोले जनजीवन प्रभावित भएको अवस्थामा विद्यार्थीहरुलाई जाडोबाट जोगाउन केही सहयोग पुग्ने हेतुले विद्यार्थीहरुलाई विभिन्न सामाजिक व्यक्तिहरुको सहयोगमा स्वीटर वितरण गरिएको अलिले बताउनुभयो ।
मिलन ब्रदर्स आयलका भरत कुँवर, गंगा कुमारी कुँवरद्वारा स्व.हरि बहादुर कुँवरको सम्झना दुई सय थान, शिवशक्ति आयल सप्लायर्सका समसादद्वारा ९० थान तथा हिमानी ट्रष्टका अमृत भण्डारी र सैजु पाण्डेको सहयोगमा ५० थान गरी ३ सय ४० विद्यार्थीहरुलाई न्यानो स्वीटर वितरण गरिएको अलिले जानकारी दिनुभयो ।
कार्यक्रममा विद्यालय व्यवस्थापन समितिका पदाधिकारी, अभिभावक तथा विभिन्न सामाजिक व्यक्तित्वहरुको उपस्थिति रहेको थियो ।
