भैरहवा । जिल्ला प्रशासन कार्यालय रुपन्देहीले आफ्नो सबै सेवाहरु अर्को सूचना नभएसम्मको लागि बन्द गरेको जनाएको छ ।
जिल्ला प्रशासन कार्यालय, रुपन्देहीले सूचना जारी गर्दै शान्ती सुरक्षा, मुद्दा लगायत अत्यावश्यक सेवा बाहेकका नागरिकता, राहदानी, राष्ट्रिय परिचय पत्र, दर्ता/नविकरण, पेन्सन सिफारीस/प्रमाणित, नाबालक परिचयपत्र लगायतका अन्य सेवाहरु अर्को सूचना नभएसम्मको लागि स्थगन गरेको जनाएको छ ।
प्रमुख जिल्ला अधिकारी ऋषिराम तिवारीद्वारा जारी भएको उक्त सूचनामा अत्यावश्यक सेवा लिन आउनेका लागि पनि खोप कार्ड अनिवार्य गरिएको छ ।
कोभिडको बढ्दो संक्रमणका कारण कार्यालयका अधिकांश कर्मचारी संक्रमित भई हाल आईसोलेसनमा रहेको र कार्यालयमा अत्याधिक भिडभाडभै कोभिड थप फैलिन सक्ने बताउँदै प्रमुख जिल्ला अधिकारी तिवारीले कार्यालय बन्द गरेको जनाए ।
जिल्ला प्रशासन कार्यालय, रुपन्देहीद्वारा जारी गरिएको सूचना:
