अञ्जना चौहान
लुम्बिनी । रुपन्देही जिल्लाको लुम्बिनी सांस्कृतिक नगरपालिका वडा नम्बर ११ ले विभिन्न खेलकुद सामाग्री वितरण गरेको छ । विगत एक सातादेखिको बढ्दो चिसाे र सितलहरलाई मध्यनजर गर्दै खेलकुदले शरीरमा उर्जा प्रदान गरी जाडोबाट युवाहरुलाई केही राहत हुने ध्येयले खेलकुद सामाग्री वितरण गरिएको हो ।
लुम्बिनी सांस्कृतिक नगरपालिका वडा नम्बर ११ द्वारा आयोजित एक कार्यक्रमका बीच वडाको हरेक टोलका युवाहरुलाई उक्त खेलकुद सामाग्री वितरण गरिएको हो । युवाहरुलाई १८ सेट क्रिकेट सामाग्री र २ सेट भलिबल सामाग्री वितरण गरिएको वडा अध्यक्ष अकरामुद्दीन खानले बताउनुभयो ।
वडा सचिव रामअनुज कुर्मीको सञ्चालन तथा वडा अध्यक्ष खानको प्रमुख आतिथ्यतामा भएको उक्त कार्यक्रममा वडा सदस्य रेयाज अहमद, फूलकुमारी हरिजन लगायत विभिन्न सामाजिक व्यक्तित्वहरुको उपस्थिति रहेको थियो ।
