अञ्जना चौहान ⁄लुम्बिनीखवर
भैरहवा, १० माघ । प्रेस सेन्टर नेपाल रुपन्देहीको दोस्रो विस्तारित बैठक भैरहवामा सम्पन्न भएको छ ।
विहान ९ बजे देखि शुरुभएको बिस्तारित बैठकमा विभिन्न एजेण्डाहरुको विषयमा छलफल भएको सेन्टरको जिल्ला कार्य समिति रुपन्देहीले जानकारी दिएको छ ।
प्रत्येक तिन महिनामा बस्ने बिस्तारित बैठकमा सेन्टरका जिल्ला अध्यक्ष कमल रायमाझीले बैठकमा एजेण्डाहरु प्रस्तुत गरेको थिए । अध्यक्ष रायमाझीले संगठनले विगतमा भएका सचिवालय बैठक, कार्यसमिती बैठक र समसामुहिक बिषयमा भएका निर्णयहरुको जानकारी गराउदै बिस्तारित बैठकको शुरुवात गरेको संगठनका जिल्ला सचिव बिष्णु पोखरेलले जानकारी गराए ।
बैठ्कमा संगठनका फ्याक्सन इञ्र्चाज तथा प्रमुख अतिथि नेकपा माओवादी केन्द्र रुपन्देहीका संयोजक निर्मल जि.सी.ले पार्टीको बर्तमान अवस्था तथा बैचारिक नीति र राजनीतिक अवस्थाको विषयमा जानकारी गराएका थिए ।
प्रेस सेन्टरका केन्द्रिय सदस्यद्धय सरु राना तथा भुवन कार्कीले संगठनको हालका कार्यक्रम र भावि योजनाका विषयमा प्रशिक्षणात्म भनाई राखेका थिए ।उनिहरुले सेन्टरले गरेका अहिलेका कामहरु र अब गर्नुपर्ने विषयहरु बिस्तारित बैठकमा केन्द्रिय कमिटीको धारणा अवगत गराएको सेन्टरका जिल्ला कोषाध्यक्ष संजय लामाले जानकारी दिए ।
सेन्टरका प्रदेश बरिष्ठ उपाध्यक्ष रुद्रहरी कुँवरले पत्रकारहरु पेशागत हित र व्यवसायी पत्रकारीताको माध्याम बाट गरिब दुःखीको पक्षमा निडर भएर कलम चलाउनुपर्ने भन्दै संगठनको बिचारमा प्रतिवद्ध भएर लाग्न निर्देशन दिएका थिए ।
विस्तारित बैठकमा संगठनको विगतमा भएका कार्यक्रमहरुको समिक्षा, रिपोटिङ, अस्वस्थता भएका साथीहरुको स्वास्थ्य लाभको कामना, बनभोज तथा प्रशिक्षण कार्यक्रम गर्ने छलफल भएको सेन्टरको जिल्ला कार्यसमितीले जनाएको छ ।
साथै बैठकमा सेन्टरका जिल्ला सदस्य पशुपति यादव नेपाल रेडक्रस सोसाइटी धकधई उप–शाखा समिती को सचिव पदमा निर्वाचित भएकोमा बधाई ज्ञापन गर्नुका साथै प्रेस ज्याकेट बितरण गरिएको थियो ।
कार्यक्रममा प्रेस सेन्टरका प्रदेशद्धय सदस्य दिपक गलामी, राजाराम चौधरी, नेपाल पत्रकार महासंघ जिल्ला कार्यसमिती सदस्य मोति न्यौपानेले आआफ्नो भनाई राखेका संगठनका जिल्ला सचिवालय सदस्य रिया बस्नेतले जानकारी गराए ।
