दीपक जैसवाल
सुर्यपुरा । रुपन्देहीको कञ्चन गाउँपालिकामा नयाँ प्रमुख प्रशासकीय अधिकृतलाई स्वागत गरिएको छ । सोमबार एक कार्यक्रमका बीच नयाँ प्रमुख प्रशासकीय अधिकृत काशिराम पन्थिलाई गाउँपालिकामा स्वागत गरिएको हो ।
गुल्मीको धुर्कोट गाउँपालिकामा ३ वर्षको कार्यकाल बिताएर आउनुभएका पन्थीलाई गाउँपालिकाका जनप्रतिनिधि तथा कर्मचारीहरुले भव्य स्वागत गरेका हुन् ।
कार्यक्रममा बोल्दै कञ्चन गाउँपालिकाका अध्यक्ष गोकर्ण बहादुर क्षेत्रीले कञ्चनको विकासमा सबैको साथ सहयोगले गाउँपालिका यो स्थानसम्म पुगेको बताउनुभयो । उहाँले अहिलेसम्म हरेक विकास निर्माणका कार्यहरुमा सबै जनप्रतिनिधि र कर्मचारीको साथ रहेको र अगामी दिनहरुमा पनि साथ सहयोग रहने आशा व्यक्त गर्नुभयो ।
त्यस्तै गाउँपालिका उपाध्यक्ष गोमा तरामुले समग्र पालिकाको विकासमा स्थानिय, जनप्रतिनिधि तथा कर्मचारीहरुबीच सहकार्र्य हुन आवश्यक रहेको बताउनुभयो । ‘काम गर्ने क्रममा यी पक्षबीच तालमेल नमिले विकास निर्माणका कार्यहरु प्रभावित हुने हुनाले सबैबीच सहकार्य हुन अत्यन्तै जरुरी छ,’ उहाँले भन्नुभयो ।
कर्यक्रममा आफ्नो कामको अनुभव सुनाउँदै प्रमुख प्रशासकीय अधिकृत काशिराम पन्थीले जनप्रतिनिधि र कर्मचारी बीचको सम्बन्ध सुमधुर बनाउँदै जाने र सबैलाई एकजुट गराएर विकास निर्माणमा धुर्कोटको अनुभव कञ्चनमा लागु गर्ने बताउँनुभयो ।
गाउँपालिकाका लेखा अधिकृत सन्तोष गैरे, शिक्षा शाखा प्रमुख रमेश भुषाल, कार्यपालिका सदस्य रेनु कुँवर, वडा नं ५ का वडाअध्यक्ष कृष्ण प्रसाद अधिकारी, विभिन्न शाखा प्रमुख र सञ्चारकर्मीहरुको सहभागिता रहेको सोही कार्यक्रमका बीच पूर्व कर्मचारी नैना जैसी र आसिम भण्डारीलाई समेत विदाई गरिएको थियो ।
गाउँपालिका अध्यक्ष गोकर्ण बहादुर क्षेत्रीको अध्यक्षतामा भएको कार्यक्रमको सञ्चालन स्वास्थ्य शाखा प्रमुख रामप्रसाद गौतमले गर्नुभएको थियोे ।
