दीपक जैसवाल
गैंडहवा । रुपन्देहीको गैंडहवा गाउँपालिकाका नवनिर्वाचित गाउँपालिका अध्यक्ष सुरेन्द्र पौडेलले पदभार ग्रहण गरेका छन् । अध्यक्ष पौडेल सोमबार गैडहवा गाउँपालिकाको कार्यालयमा पुगेर पदभार गरेका हुन् । उनलाई गाउँपालिकाका कर्मचारीले भव्य स्वागत गरेका थिए ।
त्यस्तै गाउँपालिका अध्यक्ष सुरेन्द्र पौडेललाई शनिबार मुख्य निर्वाचन अधिकृत हरिहर पौडेलले पद तथा गोपनियताको सपथ ग्रहण गराएका थिए । गाउँपालिका अध्यक्ष सुरेन्द्र पौडेलले बैशाख ३० गते सम्पन्न स्थानीय तहको चुनावमा नेकपा एमालेबाट भारी मतान्तरले बिजयी भएका हुन् ।
