पशुपति यादव
धकधई, २० जेठ । रुपन्देहीको धकधई स्थित श्री रामनरेश यादव आदर्श नमूना माध्यमिक विद्यालयमा नयाँ पूर्व प्राथमिक भवनको शिलान्यास भएको छ । बिहीबार एक कार्यक्रमका बीच रोहिणी गाउँपालिकाका अध्यक्ष विद्या प्रसाद यादवले उक्त भवनको शिलान्यास गरेका हुन् ।
संघीय सरकारको नमुना बजेट अन्तर्गत निर्माण हुन लागेको १२ कोठे उक्त प्रदीप कन्सट्रक्सनले १ करोड २८ लाखमा ठेक्का लिई काम गरिरहेको विद्यालय व्यवस्थापन समितिका अध्यक्ष बैजनाथ सहानीले बताउनुभयो । ुसंघीय सरकारको नमुना बजेट अन्तर्गत १ करोड ७० लाख रुपैयाँ विनियोजन भएपनि १ करोड २८ लाखमा ठेक्का लागेको छ,ु उहाँले भन्नुभयो ।
२०१३ सालमा स्थापना भएको उक्त विद्यालयमा अहिले कक्षा १२ सम्म पठनपाठन हुने गरेको छ । २ हजार ५८ विद्यार्थी सहित विद्यालयमा शिक्षा, व्यवस्थापन र प्राविधिक धारतर्फ सिभिल इन्जिनियरिङ पठनपाठन हुँदै आएको छ । साथै कक्षा ४ सम्म अंग्रेजी माध्यममा समेत पठनपाठन हुने गरेको अध्यक्ष सहानीले बताउनुभयो ।
