सुर्यपुरा । रुपन्देहीको गैडहवा गाउँपालिकाको एक सरकारी विद्यालयमा शिक्षकको जागिरको लागि विज्ञापन खुलाइएको छ । गैडहवा गाउँपालिका वडा नं. ३ स्थित श्री जन जागृति माध्यमिक विद्यालयमा विज्ञान विषयको लागि विज्ञापन खुलाइएको हो ।
विद्यालय व्यवस्थापन समितिको निणर्य अनुसार विद्यालयमा मा. वि. शिक्षण सिकाई अनुदान कोटामा विज्ञान विषयको शिक्षकको आवश्यकक्ता बमोजिम उक्त विज्ञापन खुलाइएको विद्यालय व्यवस्थापन समितिले जनाएको छ । उक्त पदमा १८ वर्ष पुरा भई ४० वर्ष ननाघेका बि. एस. सि. वा सोसरह उतीर्ण भएका नेपाली नागरिकहरुलाई दरखास्त दिन विद्यालयले आह्वान गरेको छ ।
उक्त पदका दरखास्त दिनका लागि हस्त लिखित निवेदन १ थान, नेपाली नागरिकताको प्रतिलिपि २ थान, अध्यापन अनुमतिपत्र प्रतिलिपिहरु २/२ थान, शैक्षिक योग्यता प्रमाणपत्रहरुको प्रतिलिपि २/२ थान र निवेदन दस्तुर १ हजार सहित विद्यालयको प्रशासन शाखामा सम्पर्क गर्न विद्यालयले अनुरोध गरेको छ ।
