रुबिना थापा
भैरहवा, २९ भदौ । एसओएस बालग्राम लुम्बिनी र श्री बरेवा माध्यामिक विद्यालय मायादेवीले सयुक्त रुपमा ५८ औ राष्ट्रिय बालदिवस बनाएका छन् ।
एसओएस परिवार सबलीकरण कार्यक्रम अन्तरगत श्री बरेवा माध्यामिक विद्यालयमा अध्ययनरत विद्यार्थीहरुलाई विभिन्न शैक्षिक प्रतियोगितामा प्रतिस्पर्धा गराई बालदिवस मनाएको एसओएस बालग्राम लुम्बिनीले जनाएको छ ।
शैक्षिक कार्यक्रम अन्तरगत कक्षा १ देखि १० सम्म अध्ययनरत विद्यार्थीहरुलाई हस्तलेखन, चित्रकला, निबन्ध प्रतियोगिता र बालअधिकार एंव बाल विवाहका विषयमा अन्र्तक्रिया गरिएको छ ।
कक्षा १ देखि २ सम्मका विद्यार्थीहरुलाई हस्तलेखन, कक्षा ३ देखि ४ सम्मका विद्यार्थीहरुलाई “हाम्रो राम्रो विद्यालय” विषयक चित्रकला प्रतियोगिता, कक्षा ५ देखि ६ सम्म विद्यार्थीहरुलाई निबन्ध प्रतियोगिता गराईएको छ ।
कक्षा ७ र कक्षा ८ मा अध्ययनरत विद्यार्थीहरुलाई “जिम्मेवार नागरिक उत्तरदायी सरकार” भन्ने विषयक निबन्ध प्रतियोगिता र ९ देखि १० कक्षा अध्ययनरत विद्यार्थीहरुलाई बालअधिकार एंव बाल विवाह सम्बन्धी अन्र्तक्रिया कार्यक्रम गरिएको हो ।
प्रतियोगितामा प्रथम हुने विद्यार्थीहरुलाई रु. २५००, द्धितिय हुने विद्यार्थीहरुलाई रु.१,५०० र तृतीय हुने विद्यार्थीहरुलाई रु १,००० नगद पुरस्कार प्रदान गरिएको छ ।
हस्तलेखन प्रतियोगितामा क्रमस मोहम्मद नसिम, सरिता यादव र किरण यादव प्रथम, द्धितिय र तृतिय स्थान प्राप्त गरेका छन् । चित्रकला प्रतियोगितामा क्रमस सन्जना चौधरी, शुभम विश्वकर्मा, र विष्ण यादवले प्रथम, द्धितिय र तृतिय स्थान हुन सफल भएका छन् ।
“मेरो देश, मेरो पौरख ।” विषयक निबन्ध प्रतियोगितामा क्रमस अनिता यादव, सर्बेश कोहार र सन्दिप कोहार प्रथम, द्धितिय र तृतिय स्थाल प्राप्त गर्न सफल भएको एसओएस बालग्राम लुम्बिनीले जनाएको छ ।
“जिम्मेवार नागरिक उत्तरदायी सरकार” भन्ने विषयक निबन्ध प्रतियोगितामा क्रमस चादनी गुप्ता, पुष्पा मुराउ र चन्दा कुर्मी प्रथम, द्धितिय र तृतिय भएका छन् ।
मायादेवी गाउँपालिकाका उपाध्याक्ष नर्वदा देवी उपाध्यायको प्रमुख आतिथ्यमा भएको ५८ औ राष्ट्रिय बालदिवस कार्यक्रममा बोल्दै श्री बरेवा माध्यामिक विद्यालयका प्राचार्य अब्दुल हन्नान खाँले एसओएस परिवार सबलीकरण कार्यक्रमले विद्यार्थीहरुको शिक्षण कलालाई सहयोग पुराएको बताए । उनले आगामी दिनमा पनि एसओएस परिवार सबलीकरणको सहयोग आवश्यक रहेको जानकारी दिए ।
एसओएस परिवार सबलीकरण कार्यक्रमका अधिकृत बिनय राज श्रेष्ठको संचालन तथा एसओएस परिवार सबलीकरण कार्यक्रम लुम्बिनीका इञ्चार्ज ज्योत्स्ना राणाको स्वागत र एसओएस बालग्राम लुम्बिनीका निर्देशक गोबिन्द प्रसाद ढकालको अध्यक्षतामा कार्यक्रम सम्पन्न भएको थियो ।
