असलम खाँन / राकेश यादव
मर्चवार, मंसिर । रुपन्देहीको मर्चवारी गाउँपालिका वडा नम्बर ५ ले जनताका लागि जनमुखि योजना अगाडि बढाएको छ ।
वडाका जनसमुदायमा देखिएका विविध किसिमका समस्या प्रति वडाले पहल गर्दै आईरहेको वडा अध्यक्ष श्रवण कुमार यादवले जानकारी दिए । जनताको कागजी कामकाजका साथै अन्य विकासका कार्यहरु वडा पालिकाले गर्दै आईरहेको छ ।
शिक्षा, स्वास्थ्य, पूर्वाधार, खानेपानी, कृषि तथा बिद्युत्तको विषयलाई लिएर कार्य गरेको वडा अध्यक्ष यादवले बताए । वडाले केही मात्रामा गरिसकेका र केही गर्न बाँकी रहेको वडा अध्यक्ष यादवले जनाए । शिक्षाको क्षेत्रमा भौतिक तथा शैक्षिक समस्याहरु देखिएको हँुदा त्यसका लागि वडा योजना बनाएको वडा अध्यक्ष यादवले जानकारी दिए ।
गरीब, महिला, बृद्ध बृद्धा, असहाय तथा अपाङ्गहरुका लागि स्वास्थ्यमा पनि केही समस्या रहेको हुदाँ सबैलाई नि:शूल्क चेकजाच तथा औषधी उपलब्ध गराउने योजना वडाको रहेको छ ।
बाटोघाटो, कृषि, पशूपालन, खानेपानी उपलब्ध गराउनका लागि समेत वडाले पहल गरेको छ । वडा अध्यक्षले भने, “जनताका सेवामा वडाका जनप्रतिनिधि तथा कर्मचारी सरल र सहज हुने गरी सहकार्य गर्दै अगाडि बढेका छौं ।”
