सुरज ज्ञवाली/लुम्बिनीखबर
भैरहवा,मंसिर ।रुपनदेहीको शुद्धोधन गाँउपालिका वार्ड नं. ५ ले किसानहरुको लागि विशेष सेवा सुविधा प्रवाह गरेको छ । स्थानीय तह निर्वाचन पछिको यो ६ महिनामा कृषकहरुलाई विशेष ध्यान दिएको देखिन्छ । वडा पालिकाका वडा अध्यक्ष चन्द्रभान चौधरी थारुले आफ्नो वडाका कृषकहरुका लागि आवश्यक कृषि सामग्री उपलब्ध उन्न्त जातको विउँ अनुुदानमा वितरण गरेको जानकारी दिए ।
सिचाईका लागि टयूवेलको व्यवस्था समेत गरेको वडा पालिका अध्यक्षले जानाएका छन् । वडा पालिकामा जनताको सेवाहरु सरल र सहज रुपमा गर्ने थालनी समेत सुरु गरेका जनाए । वडा भित्रका पुराना वाटो घाटो मर्मत गर्नुको साथै नयाा बाटोमा पी.पी.सी ढलान गरेको वडा पालिकाले जनाएको छ । शुद्धोधन गाँउपालिका वार्ड नं. ५ भित्र भौतिक पूर्वाधारको विकास तिब्र रुपमा अगाडि बढेको देखिन्छ । जनताको स्वास्थ्य सुविधा विकास विस्तार गर्नका लागि गाँउपालिकाले विशेष योजना अगाडि सरेको छ । स्वास्थ्य चौकीमा आवश्यक्ता अनुसारको औषधी उपलब्ध गराउनुका साथै चेक जाचँका लागि समेत वडा पालिकाले पहल गरेको शुद्धोधन गाँउपालिका वडा न.५ को सुचना शाखाले जानकारी दिएको छ । यस वडाले शिक्षाको गुणस्तरीयता, खानेपानी तथा आपाङ्गका लागि समेत विभिन्न योजनाहरु अगाडि बढाएको छ । वडा सचिव तुलसा आर्यालले थ
भनिन् “बालमैत्री वातावरण ,महिला असहाय र वृद्धाहरुको लागि आवश्यक्ता अनुसार काम गरिरहेको देखिन्छ । यस वडालाई धार्मिक ऐतिहासिक, पुरातात्विक पर्यटकीय स्थलको रुपमा विकास गर्न शुद्धोधन पार्क, डिउहार पकडी, पुरेनी दर्बाहन, भुवनेश्वरी, कोटही सितलपाटी , कुवार वर्ती, गाँउलाई विकास गर्ने योजना अगाडि सरेको वडा पालिकाले जनाएको छ । यँहा पशुसेवा, आयूर्वेदिक, औषधालय, खानेपानी र स्वास्थ्य चौकी ब्यवस्थित रुपमा सञ्चालनमा रहेको छ ।
