अञ्जना चौहान
भैरहवा, ८ मंसिर । रुपन्देही क्षेत्र नम्बर ५ बाट प्रतिनिधि सभा सदस्यमा नेकपा एमालेका उम्मेदवार वासुदेव घिमिरे विजयी भएका छन् । ९ हजार ७ सय मतान्तरसहित नेपाली कांग्रेसका भरत कुमार शाहलाई हराउँदै घिमिरे विजयी भएका हुन् ।
घिमिरेले ३६ हजार ८ सय २२ मत ल्याएका छन् भने उनका प्रतिस्पर्धी शाहले २७ हजार १ सय २० मत प्राप्त गरे । यसअघि उक्त क्षेत्रमा कांग्रेसका शाहले जित्दै आएका थिए । एमालेको लुम्बिनी प्रदेश कमिटी सदस्य घिमिरे तिलोत्तमा नगरपालिकाका पूर्व नगरप्रमुख समेत हुन् । तिलोत्तमा नगरपालिकाको मेयर भएर उनले राम्रो काम गरेका थिए ।
१ लाख २९ हजार १ सय ३५ मतदाता रहेको क्षेत्र नम्बर ५ मा ८५ हजार ७ सय ४ मत खसेको थियो ।
