दीपक जैसवाल
सुर्यापुरा । नेपाल कम्युनिस्ट पार्टी माओवादी केन्द्र गैडहवा गाउँपालिका वडा नम्बर ३ को प्रथम वडा सम्मेलनबाट विश्वनाथ कोहरको अध्यक्षतमा १४ सदस्यीय नेतृत्व चयन भएको छ । गैंडहवा गाउँपालिकास्थित समयमाई बजारमा शनिबार सम्पन्न भएको नेकपा माओवादी केन्द्र गैदहवा ३ को वडा सम्मेलनबाट विश्वनाथ कोहरको अध्यक्षतमा १४ सदस्यीय नेतृत्व चयन भएको हो ।
अखिल क्रान्तिकारी विद्यार्थी संगठन र वाइसीएल युवा संगठन र विभिन्न संघसंगठनमा आवद्ध भएर समाजिक राजनीति काममा समेत अध्यक्ष कोहार सक्रिय रहेका छन् । त्यस्तै नेकपा माओवादी केन्द्र वडा नम्बर ३ को सम्मेलनबाट सर्बसहमतबाट उपाध्यक्षमा बाबुराम धवल, सचिवमा शिव प्रसाद यादव, सह-सचिवमा दीपक जैसवाल, कोषाध्यक्षमा संगीता चाई र सदस्यहरुमा गया प्रसाद यादव सहित १४ जना गरि सर्बसहमतमा चयन भएका हुन् ।
गैंडहवा गाउँपालिका वडा नम्बर ३ माओवादी केन्द्र प्रथम वडा सम्मेलन पछि बसिएको बैठकमा बोल्दै वडा भित्र रहेका सबै नेतृत्वपंक्तिका व्यक्तिलाई संगठित गरिने र संगठनलाई चुस्तदुस्त गरिने समेत अध्यक्ष कोहरले बताएका थिए ।
