भैरहवा । रुपन्देहीको भैरहवा तथा बुटवल क्षेत्र लगायत देशभर विहानै देखिको वर्षाले जनजीवन प्रभावित बनेको छ । विभिन्न ठाउँमा भएको वर्षा तथा हिमपातले चिसो बढेपछि जनजीवन प्रभावित भएको हो ।
रुपन्देहीमा अहिले पनि चिसो हावासँगै सिमसिमे वर्षाले दैनिक जनजीवनमा प्रभाव पारेको छ । मौसम पूर्वानुमान महाशाखाका अनुसार भैरहवामा आज विहान १२.६ मिलिमिटर वर्षा भएको छ ।
पश्चिमी न्यून चापीय प्रणाली सक्रिय बनेसँगै देशभर वर्षा भएको हाे । महाशाखाका अनुसार आज दिउँसो पनि देशका धेरै स्थानमा वर्षा हुनेछ । बिहीबारबाट मात्र मौसममा सुधार आउने आँकलन गरिएको छ ।
