काठमाडौ । सरकारले ‘तमु ल्होसार’ पर्वको अवसरमा बिहीबार सार्वजनिक बिदा दिएको छ ।
गृह मन्त्रालयका उपसचिव शोभाखर रेग्मीले बुधबार सूचना जारी गर्दै मन्त्रिपरिषद् बैठकको निर्णयअनुसार तमु ल्होसारको अवसरमा बिहीबार सार्वजानिक बिदा दिइएको जानकारी गराएका हुन् ।
‘वि.सं २०७८ पुस १५ गते बिहीबारका दिन तमु ल्होसारको अवसरमा देशभरका सरकारी कार्यालय तथा सार्वजानिक निकायमा सार्वजानिक बिदा दिने’ नेपाल सरकार मन्त्रिपरिषद्बाट मिति २०७८/९/१४ मा निर्णय भएको हुँदा सम्बन्धित सबैको जानकारीको लागि यो सूचना प्रकाशित गरिएको छ’, उपसचिव रेग्मीद्वारा जारी सूचनामा उल्लेख छ ।
बिहीबार गुरुङ समुदायले बाघ वर्गलाई स्वागत गर्दै नयाँ वर्ष (ल्होसार) पर्व मनाउँदैछ । गुरुङहरुले हरेक वर्ष पुस १५ गते ल्होसार मनाउँछन् ।
