अन्जना चौहान
कपिलबस्तुका सञ्जय थारुले आफ्नै ससुरालीको एक करोड रकम ठगि गरि फरार भएका छन । व्यवासायिक भिषामा श्रीमती सँगै कोरिया जाने भन्दै ससुराली बाट सो रकम लिई सञ्जय फरार भएका हुन ।
सञ्जय थारुका सासु आमा पुष्पा चौधरी छोरी ज्वाईँ कोरियामा व्यापार गर्न जाने भनेपछि दङ्ग थिईन । वि. सं. २०७८ साल असोज १० गते ४४ लाख रूपैया पुष्पाले आफ्नो छोरी निर्मा चौधरीको खातामा जम्मा गरिदिईन । भिषा प्रकृया मिलाउने भन्दै सञ्जयले श्रीमती निर्मालाई झुक्याउँदै पटक पटक पैसा लिदै आएका थिए । बिभिन्न समयमा ईसेवामा लोड गरी आफ्नो खाता बाट सञ्जयले ब्यक्तिगत खातामा पैसा जम्मा गरेको निर्माले बताईन । बिभिन्न समयमा गरी एक करोड रूपैया झुक्याएर लिएको पिडित परिवारले बताएका छन । पैसा लिईसके पछि सञ्जय थारु अहिले सम्म सम्पर्कमा नआएको पुष्पा कुमारी चौधरी (सञ्जयका सासु) ले जानकारी गराउनु भयो । सञ्जय थारु बिदेश पठाईदिने भन्दै बिभिन्न ब्यक्ति बाट समेत पैसा लिई ठग्दै आएको बुझिएको छ ।
फरार रहेका सञ्जयका श्रीमती निर्मा चौधरीले आफुलाई पनि कोरिया लैजाने भन्दै प्रलोभन देखाई आफ्नो माईती बाट पैसा लिएको बताएकी छिन । निर्माले बुवाको बैँक खातामा रहेको १० लाख समेत झुक्याएर निकालेको बताएकि छिन । फरार रहेका सञ्जयलाइ खोजी गरी पक्राउ गरी पाउँ भनि निवेदन दिईसकेको निर्मा चौधरीले बताईन । फरार सञ्जयले अनलाईन बिजनेशका नाममा ठगी धन्दा गर्दै आएको पिडित परिवारले जनाएका छन । फरार रहेका सञ्जयलाई यथाशीघ्र पक्राउ गरी आफुहरुको रकम फिर्ता गराईदिन पिडित परिवारले आग्रह गरेका छन् ।
