असार ८
काठमाडौं– सरकारले काबुल आक्रमणमा परी ज्यान गुमाएका १२ नेपालीका साथै घाइतेहरु लिनका लागि अफगानिस्थान पठाएको विशेष जहाजमा २४ नेपाली समेत फर्किएका छन् ।
परराष्ट्र मन्त्रालयले अफगानिस्तानमा कार्यरत २४ नेपालीलाई पनि जहाजमार्फत ल्याइएको जनाएको छ । काबुल आक्रमणमा १२ नेपालीको ज्यान गएसँगै त्रसित बनेका उनीहरु घर फर्किन चाहेपछि सरकारले ल्याएको हो ।
काबुलबाट काठमाडौँका लागि प्रस्थान गरिसकेको जहाज अपरान्ह ४ बजेतिर त्रिभुवन अन्तराष्ट्रिय विमानस्थलमा अवतरण गर्ने बताइएको छ।
