महिला पुरुषभन्दा किन उत्तम छन ? त्यस विषयमा तल उनीहरुको आठ रहस्य दिएका छन्, जसलाई महिलाई पुरुषभन्दा उत्तम बनाएको छ ।
बढी बाँच्छन्
महिला बढी बाँच्ने गर्दछन् । यसको सबैभन्दा ठुलो कारण हो हृदयरोगका लागि उनीहरुको प्रतिरोध क्षमता । उनीहरुलाई हृदयरोग ७०–८० वर्षको उमेरमा मात्र हुने गर्दछ । जबकि पुरुषलाई हृदयरोग ५०–६० वर्षमै सताउने गर्दछ ।
बढी सहनशक्ति
कयौ अध्ययनले सावित गरिसकेको छ कि महिलाहरुमा पीडा सहने क्षमता पुरुषको तुलनामा बढी हुने गर्दछ । साइकोलजिस्ट क्लिफर्ड लजारस भन्छन्–महिलाहरु स्वायमलाई प्रसव पीडाका लागि तयार गरिरहेका हुन्छन् ।
तनाव सहन माहिर
वेस्टर्न ओन्टारियो युनिभर्सिटीमा गरिएको लामो अध्ययनमा महिलाहरु तनाव सहन गर्न बढी सक्षम हुन्छन् भन्ने पुष्टि भएको छ। उनीहरुको मस्तिष्क आक्सिटोसिन बढी उत्पन्न गराउने गर्दछ । यही हरमोनले हामीलाई शान्त राख्दछ ।
गज्जबको स्मरणशक्ति
ब्रिटेनको ऐस्टन युनिभर्सिटीमा गरिएको एउटा रिसर्चबाट महिलाहरुको स्मरणशक्ति पुरुषको तुलनामा बढी हुने पत्ता लागेको छ। अझ उमेर बढ्दै जाँदा दुवैको स्मरण क्षमताको अतर पनि बढ्दै जान्छ ।
बढी स्मार्ट
इन्टेलिजेन्स एक्सपर्ट जेम्स फ्लिनका अनुसार युरोप, अमेरिका, क्यानडा र न्युजिल्याण्डका महिलाहरुले पुरुषलाई इन्टेलिजेन्ट टेस्टमा पराजित गरे । महिलाहरुको मस्तिष्क बढी तिब्रताका साथ विकास हुने गर्दछ ।
कलेजमा बढी सफल
जर्जिया र कोलम्बिया युनिभर्सिटीको एउटा संयुक्त टिमले गरेको अध्ययनमा किशोरीहरु साइन्स बढी राम्रोसँग बुझ्ने गर्दछन् । पुरुषमा युनिभर्सिटीमा पढाई अधुरै छाड्ने सम्भावना बढी हुने गर्दछ ।
बाटो पहिल्याउन माहिर
प्रोफेसर डाएन हाल्पर भन्छन्–महिलाहरु निशान र संकेत याद राख्न सक्षम हुन्छन् । त्यसैले उनीहरु बाटो याद राख्दछन् । उनीहरु हराएको वस्तु पनि चाँडै खोज्न सक्षम हुने गर्दछन् ।
पाइपाइको हिसाब
हिसावकिताव राख्नमा पनि महिलाहरु बढी सक्षम हुन्छन् । बार्कलेज वेल्थ एन्ड लेडबरी अध्ययनअनुसार लगानीमा महिलाहरुको उत्कृष्ट परिणम निस्कने गर्छ । किनभने पुरुषमा टेस्टोस्टेरोन बन्दछ जसले उनीहरुलाई अनावश्यक रिस्क लिनेतिर उक्साउने गर्दछ । एजेन्सी
