लुम्बिनीखबर
भैरहवा, माघ २३ । आगामी फागुन १४ गतेदेखि २२ गतेसम्म भैरहवामा वृज सिमेन्ट टि२० क्रिकेट टुर्नामेन्ट हुने भएको छ । साई ग्लोबल एकेडेमी क्लब भैरहवाको आयोजनामा हुन लागेको उक्त टुर्नामेन्टमा १६ वटा कलेजका टिमले भाग लिने कार्यक्रम संयोजक ओम जैसीले जानकारी दिए ।
प्रतियोगितामा कलेजको तर्फबाट राष्ट्रिय खेलाडीहरु समेत सहभागी हुने क्लबका अध्यक्ष समेत रहेका साई ग्लोबल कलेजका एमडी विष्णु पन्थीले बताए ।
विगत ३ वर्षदेखी आयोजना हुँदै आएको टुर्नामेन्ट स्थानीय सिद्धार्थ रंगशालामा हुने आयोजकले जनाएका छन् ।
टुर्नामेन्टलाई बुद्ध एब्रोड एजुकेशन कन्सलटेन्सी र सुगम आवास निर्माण सेवाले को–स्पोन्सर गरेको बुद्ध एब्रोड एजुकेशन कन्सलटेन्सी दिनेश पौडेलले आगामी दिनमा पनि सामाजिक क्षेत्रमा आफ्नो संस्थाको सहभागिता रहने जनाए । आसन्न टुर्नामेन्टले क्रिकेट खेलाडीहरुलाई पनि हौसाएको जिल्ला क्रिकेट संघका अध्यक्ष प्रशान्त विक्रम मल्लले बताए ।
