रुपा पाण्डेय
भैरहवा मंसिर । रुपन्देहीको मायादेवी गाँउपालिका वडा न. ८ ले जनताको सुधारको लागि टोल टोलमा बोरिङ्ग जडान सार्वजनिक धाराको व्यवस्था गरेको छ । स्थानीय जनताको माग अनुसार सार्वजनिक धाराको व्यवस्था गरिएको वडा कार्यालयले जनाएको छ । निर्वाचन पछिको ६ महिनाको अवधिमा वडा कार्यालयले बैशाख महिना सम्मामा सक्नु पर्ने वडा स्तरीय योजनाहरु कार्यान्वयनमा लागेको वडा अध्यक्ष चोक बहादुर थापाले बताए । वडा भित्र वाटो र नाली व्यवस्थित र गुुणस्तरीय बनाउने काम जारी नै रहेको छ । अध्यक्ष थापाले भने “ मतकोलवामा रहेको खेलमैदानको स्तर उन्नति र खेलाडी उत्पादनको लागि वडा पालिकाले जोड दिएको छ । ” फोहोर मैला व्यवस्थापनका लागि वडा पालिकाले टेक्टरको व्यवस्था गर्नुका साथै हप्तामा एक पटक घर घरमा पुगी फोहोर उठाउने काम गरिरहेको वडा अध्यक्ष थापाले बताए । वडा पालिकामा जग्गा वर्गीकरणका लागि पालिकाको निर्णय अनुसार मालपोत र नापी कार्यालयमा सिफारिस गरी कित्ताकाटको व्यवस्था सुरु गरिएको अध्यक्ष थापाले जानकारी दिए । यस वडा कार्यालयले जनताको काम सरल र सहज रुपमा गर्ने गरेको बताउदै वडा सचिव छविलाल गुप्ताले नमुन वडा निर्माण गर्ने सोचका साथ अगाडि बढेको बताए