ज्ञानेश्वर सहानी । लुम्बिनीखबर
नवलपरासी, २२ असोज । पश्चिम नवलपरासीमा मित्र राष्ट्र भारतको राजधानी दिल्लीमा रहेको सोसाइटी डेभलप्मेण्ट अफ यूथ संस्थाका अनुमानित १५ वर्षको मुस्ताक खानको उद्धार भएको छ ।
हिजो भारतको दिल्लीमा बस्ने १५ वर्षिय बालक खान नेपालको रामग्राम नगरपालिकामा फेला परेको थियो ।
रामग्राम नगरपालिकाका कर्मचारीहरुको दबाब मूलक कार्यक्रमलाई समर्थन गर्नका लागि उपस्थित हुनुभएका लुम्बिनी प्रदेश सभा सदस्य जयसवालले उक्त बालकको विषयमा बालकको हातमा दिएको संस्थाको नाम र नम्बरमा सम्पर्क गर्नु भएको थियो । सोधपुछ पश्चात भारतको महाराजगञ्जका डि.एम संग समन्वय गरी बालकको उद्धार गरिएको हो ।
जिल्ला प्रहरी कार्यालय नवलपरासीले संग बालकको विषयमा सोधपुछ गर्दा उक्त बालक सुस्त मनस्थिति भएको र वोल्न नसक्ने भएकोले बालकको हातमा दिएको संस्थाको नाम र नम्बर कै आधारमा बालक उद्धार गर्न सजिलो भएको हो ।
बालकको हात लेखिएको नाम र संस्थाको नाम, सम्पर्क नम्बरले गर्दा सबै कुरा बुझ्न सजिलो भएको र उक्त बालकलाई भारतका महराजगंज जिल्लाका डि.एम संग फोन मार्फत समन्वय गरि सचिव ईमामुल अलिले सुनौली देखि दिल्ली सम्म जानका लागि गाडीका टिकट कटाई गाडीमा बसाली संस्थालाई जानकारी समेत गराउनुभएको थियो ।
