सियारी, २१ कार्तिक । रुपन्देहीको सियारी–२ मैनहिया स्थित रमन कन्सट्रक्सन पछाडि नहरको किनारमा मानव कङ्काल फेला परेको हो । जिल्ला प्रहरी कार्यालय रुपन्देहीका प्रवक्ता एवम् सूचना अधिकारी प्रनाउ मनोहरप्रसाद भट्टका अनुसार स्थानीले मङ्गलबार विहान गाई, चौपाया चराउँदा कङ्काल देखेपछि प्रहरीलाई खबर गरेका थिए ।
स्थानीयको खबरपछि पुगेका प्रहरी टोलीले अनुसन्धान गर्दा बेवारिसे मानिसको शरिरको हड्डी, खप्पर भएको पुष्टी भएको हो । कंकाल नजिकै रातो ज्याकेट भेटिएको प्रहरीले जनाएको छ ।
कंकाल कस्को भन्ने पहिचान खुल्न सकेको छैन । थप अनुसन्धानका लागि कंकाल जिल्ला प्रहरी कार्यालय रुपन्देही लगिएको प्रवक्ता भट्टले बताए ।
