असलम खाँन । लुम्बिनीखबर
मर्चवार, २७ फागुन । रुपन्देहीको सम्मरीमाई गाउँपालिका वडा नम्बर ७ बेतकुइया स्थित श्री कृषक आदर्श माध्यमिक विद्यालय बेतकुइया रुपन्देहीको व्यवस्थापन समितिमा रामवृक्ष यादवको प्यानल सहित विजयी भएका छन् ।
शानिवार भएको निर्वाचनमा खुल्ला सदस्यमा रामवृक्ष यादवले ४ सय ६०, घनश्याम लोधले ४ सय ३६ तथा महिला सदस्यमा शुसिला लोधले ४ सय ५१ र प्रेम कुमारी हरिजनले ४ सय ४८ मतका साथ विजयी भएका छन्।
उक्त निर्वाचनमा ९ सय ४४ जना मतदाता (अभिभावक) मध्ये ७ सय ४० मत खसेको सम्मरीमाई गाउँपालिकाका शिक्षा शाखा प्रमुख रामदाश गौडले बताएका छन् ।
निर्वाचनमा २ वटा समूह प्यानलले उम्मेदवारी दिएका थिए। जसअन्तर्गत विजयकुमार मिश्रा समर्थित प्यानलबाट खुल्ला सदस्यमा विजयकुमार मिश्राले २ सय ७० मत, मुकेश कुर्मीले २ सय ५१ मत, महिला सदस्यमा सरस्वती चमारले २ सय ४३ मत र जानकी लोधले २ सय ४२ मत प्राप्त गरेका थिए।
