लुम्बिनीखबर
तिलोत्तमा, चैत ९ । रूपन्देहीको मणिग्रामस्थित राममणि बहुमुखी क्याम्पसका प्राध्यापकहरूका लागि शैक्षणिक योजना निर्माण सम्बन्धी प्रशिक्षण कार्यक्रम बिहीबार सम्पन्न भएको छ ।
प्राध्यापन कार्य थप प्रभावकारी बनाउने उद्देश्यले शिक्षा तथा मानविकी संकायको आयोजनामा पुनर्ताजगी कार्यक्रमको रूपमा प्रशिक्षण दिइएको क्याम्पसले जनाएको छ ।
सोही क्याम्पसका पाठ्यक्रम विषयका प्राध्यापक जीवनकुमार पौडेलले प्रशिक्षण दिँदै प्राध्यापन कार्य बढी प्रभावकारी बनाउने विधिबारे जानकारी दिँदै समग्र नतीजा बढोत्तरी गर्न सघाउ पु¥याउने बताउनुभएको थियो ।
संकाय प्रमुख लक्ष्मण खरेलको अध्यक्षता, सहायक क्याम्पस प्रमुख खुमकान्त पाण्डेको सञ्चालन तथा क्याम्पस प्रमुख ताराप्रसाद पराजुलीको उपस्थितिमा कार्यक्रम भएको थियो । कार्यक्रममा क्याम्पसका स्नातक र स्नातकोत्तर तहमा प्राध्यापन गर्ने तीनवटै संकायका प्राध्यापकहरूको सहभागिता रहेको थियो ।
