भैरहवा, माघ १५ । रोट्र्याक्ट क्लब अफ भैरवाका संस्थापक अध्यक्ष, रोट्र्याक्ट डिस्ट्रिक ३२९२ नेपाल र भुटानको डिस्ट्रीक्ट रोट्र्याक्ट रिप्रेजेन्टेटिभ (डिआरआर) पदमा निर्वाचित भएका छन्। शर्मा विगत १२ वर्षदेखि रोट्र्याक्ट क्षेत्रमा सक्रिय रहेका छन् र युवा नेतृत्वको क्षेत्रमा ठूलो योगदान पु¥याएका छन्।
रोट्र्याक्ट क्लब अफ भैरवाले हालै सम्पन्न १७औं राष्ट्रिय सम्मेलनमार्फत नयाँ नेतृत्व चयन गरेको हो। बुटवल स्थित बुटवल अन्तर्राष्ट्रिय कन्भेन्सन हलमा दुई दिनसम्म चलेको सम्मेलनमा करीब १,२०० रोट्र्याक्ट सदस्यहरूका बीच नयाँ नेतृत्वको चयन भएको हो। सम्मेलनको उद्घाटन नेपाली कांग्रेसका केन्द्रीय नेता तथा संविधान सभा सदस्य चन्द्र भण्डारीको प्रमुख आतिथ्यतामा भएको थियो।
सम्मेलनको पहिलो प्यानल सेसनमा सांसदहरू ज्ञानेन्द्र शाही, ठाकुर गैरे, र सञ्जय कुमार गौतमले युवाहरूका लागि राजनीतिक नेतृत्वका चुनौती र अवसरबारे गहन छलफल गरेका थिए। वक्ताहरूले शासन, नीतिनिर्माण, र समाज परिवर्तनमा युवाको सक्रिय सहभागिताको महत्त्वमाथि जोड दिएका थिए। यस प्यानलले पारदर्शी र समावेशी राजनीतिक प्रणालीको निर्माणमा युवा नेताहरूको भूमिका विशेष महत्त्वपूर्ण रहेको बताए।
यस प्यानलमा आईएस्कन नेपालका सचिव रूपेश्वर गौर दास, आध्यात्मिक प्रशिक्षक चैतन्य कृष्ण, र मानसिक स्वास्थ्य उत्प्रेरक श्रेया गिरि सहभागी थिए। प्यानलले भावनात्मक दृढता र मानसिक शान्तिमाथि ध्यान केन्द्रित गर्दै तनाव व्यवस्थापन र आत्मशान्ति कायम राख्नका लागि विभिन्न विधिहरू प्रस्तुत गरे।
सम्मेलनमा प्रमुख वक्ताका रूपमा नेपाल विद्युत प्राधिकरणका कार्यकारी निर्देशक कुलमान घिसिङ्ग, बैंकर सिए मनोज ज्ञवाली र अन्य प्रतिष्ठित व्यक्तित्वहरूले युवा नेतृत्व विकास र सम्भाव्यताबारे आफ्ना विचार प्रस्तुत गरे। उनीहरूले युवाहरूलाई सशक्त नेतृत्वदायी भूमिकामा अघि बढ्न आह्वान गरे।
प्रकाश गैरे शर्मा अहिले युनाइटेड अजोड इन्स्योरेन्सका लुम्बिनी प्रदेशका नायब प्रदेश प्रमुख, लुम्बिनी साना तथा मझौला ढुवानी व्यवसायी संघ बुटवलका सल्लाहकार, र निप्स बुद्धभूमि च्याप्टरका महासचिवका रूपमा कार्यरत छन्। शर्मा मिडियाकर्मीका रूपमा पनि परिचित छन्।
रोट्र्याक्ट नेपालले युवा नेतृत्व विकास, शिक्षा क्षेत्रमा सुधार, र दैवी प्रकोपका समयमा सहयोग गर्दै आएको छ। यो सम्मेलनले नेपालका विभिन्न रोट्र्याक्ट क्लबका सदस्यहरूको आपसी सहयोग र भविष्यका योजनाहरूलाई अझ सशक्त बनाउन महत्वपूर्ण योगदान दिएको छ।
