लुम्बिनीखबर
भैरहवा, १३ फागुन । रुपन्देही प्रहरीले नदीजन्य पदार्थको चोरीमा संलग्न ट्याक्टरलाई नियन्त्रणमा लिएको छ । ईलाका प्रहरी कार्यालय छपिया रुपन्देहीबाट खटिएको टोलीले दुईवटा ट्याक्टर नियन्त्रणमा लिएको हो ।
सियारी गाउँपालिका–७ स्थित अमुवाबाट आइतबार अवैध रुपमा बालुवा चोरी निकासी गरी ओसारपसार गरिरहेको अवस्थामा सवारीसाधन नियन्त्रणमा लिइएको जिल्ला प्रहरी कार्यालय रुपन्देहीका सूचना अधिकारी तथा प्रहरी नायव उपरीक्षक सुरज कार्कीले जानकारी दिनुभयो । डीएसपी कार्कीका अनुसार लु २ त ३१३९ र लु ४ त ५४४ नम्बरको ट्याक्टर प्रहरीले नियन्त्रणमा लिएको हो ।
