मर्चवार, चैत्र ७ । २०८१ सालको एसईई परीक्षामा मर्चवार क्षेत्रका ५ परीक्षा केन्द्रमा ४९ जना परीक्षार्थी अनुपस्थित भएका छन्। चैत ७ गते सुरु भएको पहिलो दिनको परीक्षामा कुल १,९७४ विद्यार्थीहरूले परीक्षा दिएका छन्।
सम्मरीमाई गाउँपालिकामा रहेको कृषक आदर्श माध्यमिक विद्यालयमा २५ जना परीक्षार्थी अनुपस्थित भएका छन्। यस विद्यालयमा ४४८ जना परीक्षार्थीहरूको सहभागिता रहेको छ, जसमा ३३८ जना नियमित र ६५ जना ग्रेड बृद्धिका परीक्षार्थीहरू थिए। केन्द्राध्यक्ष उमाकान्त अर्यालका अनुसार, २५ जनाले परीक्षा दिन सकेनन्।
कोटहीमाई गाउँपालिकाको मर्चवार आदर्श माध्यमिक विद्यालयमा ४४६ विद्यार्थीहरूको उपस्थिती थियो, जसमा ४ जना अनुपस्थित भए। यहाँ ३६१ जना नियमित र ८१ जना ग्रेड बृद्धि परीक्षार्थीहरूले परीक्षा दिएका थिए। केन्द्राध्यक्ष धनन्जय त्रिपाठीले जानकारी दिए अनुसार, परीक्षामा ४ जना अनुपस्थित भएका छन्।
मार्यादपुर माध्यमिक विद्यालयको परीक्षा केन्द्रमा ३९२ विद्यार्थीहरूको उपस्थितीमा ६ जना अनुपस्थित भए। यसमा ३५२ जना नियमित र ३४ जना ग्रेड बृद्धि परीक्षार्थीहरूको सहभागिता रहेको केन्द्राध्यक्ष घनश्याम त्रिपाठीले जानकारी दिए।
जनता माध्यमिक विद्यालय ओडवलिया मर्चवारी ५ ओडवलिया केन्द्रमा ३६४ परीक्षार्थीहरूबाट ९ जना अनुपस्थित भए। केन्द्राध्यक्ष करुणेश त्रिपाठीका अनुसार, ३०२ जना नियमित र ५३ जना ग्रेड बृद्धि परीक्षार्थीहरूले परीक्षा दिएका थिए।
श्रीमती मनराजीदेवी माध्यमिक विद्यालय मर्चवारी ३ सेमरामा ३७८ परीक्षार्थीहरूले परीक्षा दिएका थिए, जसमा ५ जना अनुपस्थित थिए। केन्द्राध्यक्ष हृदयराम यादवले जानकारी दिए अनुसार, ३३९ जना नियमित र ४४ जना ग्रेड बृद्धि परीक्षार्थीहरू उपस्थित भएका थिए।
यो वर्षको एसईई परीक्षा सुरुआत भएसँगै मर्चवार क्षेत्रका विभिन्न परीक्षा केन्द्रहरूमा विद्यार्थीहरूको उत्साह र सहभागिता देख्न सकिन्छ, यद्यपि अनुपस्थित हुने विद्यार्थीहरूको संख्या पनि कम छैन।
