पाल्पा, ५ कार्तिक, आइतवार बेलुकी पाल्पाको रानीमहल दरबार नजिकै भएको जिप दुर्घटनामा ज्यान गुमाएका ६ जनाकै पहिचान खुलेको छ । चालक घाइते छन् । दुर्घटनामा पुर्वीनवलपरासी देवचुलीनगरपालिका वर्ष १६ का अन्दाजी ५५÷६० वर्षिया पार्वती लोहनी, ६५ वर्षिय कृष्ण लोहनी, ११ वर्षिय सविस लोहनी, ढाई वर्षिय इशव लोहनी, ३५ वर्षिया सविना धिताल र लमजुङ्ग बेसीशहर २ की ५५ वर्षिया चुना धितालको ज्यान गएको जिल्ला प्रहरी कार्यालय, पाल्पाले जनाएको छ ।
दुर्घटनामा चालक ३६ वर्षिय ईश्वर लोहनीको तानसेन स्थित युनाइट मिशन अस्पतालमा उपचार भइरहेको छ । पर्यटकीय स्थल रानीघाट दरबार पुगेर फर्किएको बाग्मती प्रदेशको ०१—०२६ च — ७२०९ नम्बरको स्कारपियो जिप बैकुण्ठेभिरबाट खोलामा खसेकोे जिल्ला प्रहरी कार्यालय पाल्पाका प्रवक्ता प्रहरी निरीक्षक सन्तोष चन्द्रले बताए ।
