सियारी, २४ कार्तिक । रुपन्देहीको शुद्धोधन गाउँपालिकामा सहकारी तथा गरीबी सम्बन्धी व्यवस्थापन सूचना प्रणाली तथा सम्पत्ति शुद्धीकरण निवारण सम्बन्धी ३ दिने तालिम विहीबार सम्पन्न भएको छ । शुद्धोधन गाउँपालिका गाउँ कार्यपालिकाको कार्यालय सहकारी शाखाको आयोजनामा कार्तिक २०,२१ र २३ गते तालिम सम्पन्न गरेको हो ।
तालिममा शुद्धोधन गाउँपालिका अन्तरगतका सम्पूर्ण सहकारीहरुका अध्यक्ष तथा व्यवस्थापकहरुको सहभागिता रहेकोे थियो । तालिमको सहजीकरण प्रशिक्षकहरु सहकारी संघ रुपन्देहीका महासचिव दामोदर पङ्गेनी र सिद्धर्थनगर नगरपालिका सहकारी शाखा प्रमुख कमलकान्त खनालले गर्नु भएको थियो । सहकारी संजाल शुद्धोधनका अध्यक्ष लेखबहादुर खत्रीको अध्यक्षता र शुद्धोधन गाउँपालिका उपाध्यक्ष शान्तादेवी ज्ञवालीको प्रमुख आतिथ्यतामा र शुद्धोधन गाउँपालिका कार्यालय प्रमुख प्रशासकीय अधिकृत लेखनाथ पोख्रेलको विशिस्ट आतिथ्यतामा सम्पन्न भएको थियो ।
शुद्धोधन गाउँपालिका सहकारी शाखा प्रमुख मानबहादुर भण्डारीको संचालनमा सम्पन्न कार्यक्रममा सहभागीको तर्फबाट महाकल्प कृषि सहकारीका अध्यक्ष चिन्तामणी खरेलले सहकारी तालिम सम्बन्धी आफ्नो धारणा राखेका थिए ।
