असलम खान
मर्चवार, १९ मंसिर । रुपन्देहीको मर्चवारी गाउँपालिकाले २० औं महिला स्वास्थ्य स्वयंसेविका दिवस विभिन्न कार्यक्रम गरि मनाइँएको छ। महिला स्वास्थ्य स्वयंसेविका दिवसको अवसरमा गाउँपालिका ले एक कार्यक्रम गरि महिला स्वास्थ्य स्वयंसेविका लाई दोसल्ला ओठाई सम्मान गरेको छ।
यो दिवस अन्तराष्ट्रिय स्वयंसेवक दिवसको अवसरमा हरेक वर्ष डिसेम्बर ५ तारिखमा मनाउने गरिन्छ। मर्चवारी गाउँपालिकाको १ देखि ७ वडाहरुमा कुल ६६ महिला स्वयमसेविका कार्यरत रहेको मर्चवारी गाउँपालिका स्वास्थ्य शाखा प्रमुख फकन शाहले जानकारी दिएका छन्। स्वयंसेविकाहरुले परिवार नियोजनबारेको चेतना, अस्थायी साधन वितरण, झाडापखाला, श्वासप्रश्वास सम्बन्धी रोगको प्राथमिक उपचार, खोप कार्यक्रम सञ्चालन, स्वास्थ्य शिक्षा प्रदान जस्ता काम गर्दै आएका छन्।
राष्ट्रिय महिला सामुदायिक स्वास्थ्य स्वयंसेविका कार्यक्रम अन्तर्गत महिला सामुदायिक स्वास्थ्य स्वयंसेविकाहरुले सामुदायिक स्वास्थ्यमा योगदान पुर्याउदै आएका छन्। विशेषतः मातृ, नवजात शिशु तथा बाल स्वास्थ्य, प्रजनन् स्वास्थ्य, परिवार योजना, आदि विषयमा समुदायमा जनचेतना अभिबृद्धि र सेवा प्रवाह, स्वास्थ्य आमा समूहमा छलफलमार्फत जनस्वास्थ्य सम्बन्धी सुचना तथा सेवाहरुको पहुँचमा बृद्धि गराई मातृ, शिशु तथा बालबालिकामा रोग लाग्ने दर र तिनको मृत्युमा कमी ल्याउन उनीहरुले काम गर्दै आएका छन्।
