असलम खान/ लुम्बिनीखबर
मर्चवार, १६ फागुन। रुपन्देही जिल्लाको १६ वटा पलिकाको घुम्ती बैठक सम्मरीमाई गाउँपालिका पुगेको छ । रुपन्देही जिल्लाको पालिका मध्ये सम्मरीमाई गाउँपालिका पनि एक हो ।
प्रत्येक महिनाको १० गते जिल्ला समन्वय समितिको समन्वयमा बसेको बैठकले रुपन्देही जिल्लाका पालिका भित्रका समस्या र स्थानीय जनताका आवश्यकता बारेमा छलफल गर्दै आएको सम्मरीमाई गाउँपालिकाका अध्यक्ष विनोद श्रीवास्तवले बताएका थिए।
कार्यक्रममा जिल्ला समन्वय समितिका अध्यक्ष उमाकान्त चपागाईले हरेक क्षेत्रसंग समन्वय गरेर विकाससंगै अन्य क्षेत्रमा काम गर्दै आएको बताएका थिए ।
रुपन्देही जिल्ला प्रमुख जिल्ला अधिकारी गणेश अर्यालले जिल्लाका सबै पालिकासंग समन्वय गरेर शान्ति सुरक्षा लगायतको बारेमा काम गर्ने बताउँदै आफुले जुनसुकै समयमा सेवा दिने तयार रहेको बताएका थिए।
सम्मरीमाई गाउँपालिकाका उपाध्यक्ष प्रियंका शाही सिंहले स्वागत मन्तव्य राख्दै घुम्ती बैठकले पालिका भित्रका समस्याहरुको पहिचान गरी समाधानका लागि सहयोग पुर्याउन र यसबाट हरेका पालिका समाधान अवश्य नै हुन्छ भन्ने विश्वास रहेको बताएकी थिइन् ।
कार्यक्रममा रुपन्देही जिल्लाका १६ वटा पालिका प्रमुख, उपप्रमुख, प्रमुख प्रशासकीय अधिकृतका सार्थ सुरक्षा निकाय लगायतको सहभागिता रहेको थियो।
