काठमाडौं,–सरकारले पुनर्निर्माण प्राधिकरणका सीईओ सुशील ज्ञवालीलाई बर्खास्तीको तयारी गरेको छ । आजको मन्त्रिपरिषद् बैठकबाट ज्ञवालीलाई बखास्तीको तयारी गरिएको एक मन्त्रीले जानकारी दिए ।
सरकारका प्रवक्ता तथा सूचना तथा सञ्चारमन्त्री सुरेन्द्र कार्कीले भने ज्ञवालीलाई बर्खास्त गर्ने विषयमा बैठकमा छलफल भएको तर अन्तिम निर्णय हुन बाँकी रहेको दाबी गरे ।
भूकम्पपछीको पुनर्निमाणको कामलाई गति दिन नसकेको भन्दै गत पुस ७ गते बसेको मन्त्रीपरिषदको बैठकले ज्ञवालीलाई स्पष्टिकरण सोध्ने निर्णय गरेको थियो ।
पुनर्निमार्णको कामलाई अघि बढाउन समन्वय गर्न नसकेको, भूकम्पपीडितको पुर्नवास गराउन असफल भएको, प्रभावितलाई समयमा अनुदान दिन नसकेको, पुनर्निमार्णका लागि कर्मचारीबीच समन्वयन गर्न नसकेको आरोप लगाँउदै सात दिने स्पष्टिकरण सोधेको हो । उनलाई सरकारले हटाउने उद्देश्यले नै प्रष्टिकरण सोधेको हो । उनले हिजो स्पष्टिकरण बुझाएका थिए ।
