लुम्बिनीखबर
भैरहवा, पुस २५ । नेत्रविक्रम चन्द “विप्लब” नेतृत्वको नेकपा माओवादी सिद्धार्थनगर नगरपालिका, भैरहवाको प्रथम नगर सम्मेलन सम्पन्न भएको छ ।
सम्मेलनले योगेन्द्र यादवलाई सेक्रेटरीमा निर्वाचित गरेको छ । निर्वाचित सेक्रेटरी यादवको नेतृत्वमा १५ सदस्यीय नगर कमिटी चयन गरेको छ । त्यसै गरी सम्मेलनले राजु खानलाई नगर जनपरिषदको प्रमुख र नारायण कुवँरलाई उपप्रमुखमा निर्वाचित गरेको पार्टीले जनाएको छ ।
नगर सम्मेलनको उदघाटन गर्दै पार्टी रुपन्देहीका सेक्रेटरी शरद ओलीले संसदिय व्यवस्थाको खारेजीको लागि एकीकृत जनक्रान्तिको बाटोमा अग्रसर हुन कार्यकर्तालाई निर्देशन दिए । ओलीले पार्टीको आगामी फागुन १ गते हुने आठौं महाधिवेशनले क्रान्तिको गति पैदा हुने समेत बताए ।
कार्यक्रममा नेकपा माओवादी रुपन्देही क्षेत्र नं. २ का इन्चार्ज विश्वास भट्टराई लगायतले बोलेका थिए । राज्य परिवर्तनका लागी हिजो १० बर्ष सम्म जनयुद्ध लडेका विप्लब माओवादीका नेताहरु प्रचण्डले नेतृत्व गरेको एमाओवादीले परिवर्तन गर्न नसक्ने भन्ने अलग पार्टी वनाएर अगाडी वढेको छ ।
पार्टी विभाजनका मोहन बैद्य संग मिलेको यो पार्टी अहिले फेरी टुक्रिए र विप्लव बनेको देखिन्छ । यसले दिर्घकालिन जनक्रान्ति गरेर र राज्य परिर्वत गर्ने सोच लिएको पार्टी निकट कार्यकर्ताहरु बताउँछन् ।
