लुम्बिनीखबर
भैरहवा, भदौ । मध्य भदौमा विगतका वर्षमा खासै बिक्री नहुने युरिया मल यस पटक भने उल्लेख्य रुपमा विक्री भएको छ ।
मलखाद आपूर्ती गर्ने कृषि सामग्री कम्पनि लिमिटेड क्षेत्रीय कार्यालय भैरहवाले दिएको जानकारी अनुसार यसै हप्ताको बिहीबार मात्रै १ सय ८० टन युरिया भैरहवा कार्यालयबाट बिक्री भयो । यो तथ्यले के देखाउँछ भने भदौको अन्तयमा सम्म युरियाको बिक्री राम्रो हुने लक्षण देखिएको छ ।
पश्चिमाञ्चल, मध्यपश्चिमाञ्चल र सुदूर पश्चिमाञ्चलका जिल्लाहरुमा मलखाद आपूर्ति गर्ने भैरहवा स्थित क्षेत्रीय कार्यालयसँग अहिले ३ हजार टन युरिया र १ हजार टन डिएपी मौज्दात छ ।
कार्यालयका क्षेत्रीय कामु प्रबन्धक गोविन्द प्रसाद पराजुलीले दिएको जानकारी अनुसार किसानहरुलाई मलखादको कुनै अभाव नहुने गरी कार्यालयले मलखादको व्यवस्थापन गरिरहेको जनाए ।
हाल कालिका ट्रान्सपोर्ट काठमाण्डौंले ढुवानीको जिम्मा लिई काम गरिहेको छ । नेपालमा सालाखाला ७ लाख टन मलखाद वार्षिक माग भएता पनि ३ लाख टन मात्रै आइरहेकोले बेला बेला मलखाद अभाव भयो भन्ने स्वर सुनिने गरेको विश्लेषक बताउँछन् ।
कृषि सामग्रीले सहकारीहरु मार्फत मात्रै मलखादको बिक्री वितरण गर्ने गर्दछ । सहकारीले कृषि सामग्रीबाट खरिद गरेर ल्याएको मलखादमा बढीमा १ सय रुपैया प्रतिबोरा मार्जिन राखी सर्वसाधरण किसानलाई मल बेच्नुपर्दछ ।
नेपालमा ग्लोबल टेन्डर आह्वान मार्फत मलखादको ढुवानी व्यवस्थापन गरिँदै आएको छ । तेस्रो देशबाट आएको मलखाद कलकत्ता बन्दरगाह हुदैं नेपाल आउने गर्दछ ।
