आशिष चौधरी
भैरहवा, फाल्गुन २० । कृषि र पशु विज्ञान अध्ययन संस्थान् पक्लिहवा क्याम्पसमा स्वतन्त्र विद्यार्थी युनियनको निर्वाचन हुँदैछ । बिहान १० बजे हुने भनिएको निर्वाचन अनेरास्ववियुको विरोध र नाराबाजीको कारणले १ बजे (३ घण्टा ढिलो) सुरु भएको हो ।
क्याम्पस प्रशासन, निर्वाचन समिति र विद्यार्थी संगठन बीच अन्तिम समयसम्म सहमतिको प्रयास गर्दा पनि सहमती नभए पछि अनेरास्ववियुले गरेको तालाबन्दी प्रशासनले तोडेर निर्वाचन गराएको हो ।
अनेरास्ववियू (क्रान्तिकारी) र ने.वि.संघको संयुक्त प्यानल तथा अनेरास्ववियुले छु्ट्टाछुट्टै उम्मेद्वारी दर्ता गराएका थिए । उम्मेदवारी दर्ता गराएता पनि अनेरास्ववियुले निर्वाचन बहिष्कार गरेको छ ।
निर्वाचनका लागि नेपाल प्रहरी र शसस्त्र प्रहरीले संयुक्त रुपमा क्याम्पसमा सुरक्षा व्यवस्था कडा पारेका छन् ।
