अरुण ज्ञवाली
भैरहवा ३ असोज । रुपन्देही प्रहरीले अबैध रुपमा नदीजन्य पदार्थ उत्खनन गर्नै जेसिभी लगायत अन्य सवारी साधन लाई नियन्त्रणमा लिई कारबाही अभियान सुरु गरेको छ ।
फाइल फोटो
जिल्ला प्रहरी कार्यालयका अनुसार ईलाका प्रहरी कार्यालय बुटवल बाट खटिएको प्रहरीले सेमलार दानब नदी पर्साघाट बाट नदीजन्य पदार्थ उत्खखन गरिरहेको अवस्थामा लु १ त १८४७ नम्बरको जेसिभी, लु १ त २६७१ र लु १ त ३८०९ नम्बरको ट्याक्टर लाई नियन्त्रणमा लिई कारबाही प्रक्रिया सुरु गरेको छ ।
जिल्ला समन्वय समिति रुपन्देहीले जिल्लाका बिभिन्न क्षेत्रबाट नदीजन्य पदार्थ उत्खनन गर्न प्रतिबन्ध लगाए पनि रातीको समयमा गैर कानुनी तवरले बालुवा गिटी तस्करहरुले नदीजन्य पदार्थ उत्खनन गर्दै आएका थिए ।
जिल्ला प्रहरी कार्यालय रुपन्देहीका प्रहरी उपरिक्षक श्यामलाल ज्ञवालीले गैर कानुनी रुपमा गरिने कुनै पनि कार्य बिरुद्ध रुपन्देही प्रहरी शशक्त रुपमा अगाडी आउने बताए । उनले कानुन हातमा लिने जो कोही लाई पनि नछाडिने दाबी गरे ।
