कमल रायमाझी
भैरहवा, मंसिर १८ । रुपन्देही क्षेत्र नं १ (ख)का वाम गठबन्धनका प्रदेश सभा सदस्य उम्मेदवार दधिराम न्यौपाने उर्फ माधव शर्मा जितको नजिक रहेको स्थानीयहरुले बताउने गरेका छन् ।
माओवादी केन्द्रमा लामो समय निष्ठाको राजनीति गरेका इमान्दार, कुशल नेतृत्वकर्ता न्यौपानेको क्षमतालाई मध्यनजर गरेर यस क्षेत्रका जनताले विजयी बनाएर पठाउने उद्घोष गरेको ओमसतिया गाउँपालिका ४ का रमेश यादवले बताए ।
यादवले भने “उहाँजस्तो टावर नेतृत्व अन्य दलका उम्मेदवारहरुमा नभएकाले उहाँको जित सुनिश्चित रहेको छ ।” नेपाली कांग्रेस र मधेसवादी दलका नेताहरुले चुनावलाई चन्दा उठाउने माध्यम बनाएको बताउँदै स्थानीयहरुले उनीहरुले जित्ने कुनै सम्भावना नरहेको बताएका छन् ।
माधव शर्माको जितका लागि मधेसी, महिला, मुस्लिम, जनजाति र सबै जनताहरु एकजुट भएर उनको पक्षमा मतदान गर्न तयार रहेको समेत स्थानीयहरुले बताउने गरेका छन् ।
