गाउँपालिकामा के कस्ता कार्यहरु अगाडि बढेका छन् ?
–हामी निर्वाचित भएको एक बर्ष हुन लागेको छ । विकास निर्माणका कार्य धमाधम अगाडि बढेका छन् । केही केही गुरु योजना अनुसार सम्पन्न भएको छ । केही सम्पन्न हुन बाँकी छन् । स्वास्थ्य सम्बन्धी उपकरणको व्यवस्था गरिएको छ । ओमसतिया भित्र शैक्षिक सुधारमा जोड दिइएको छ । सामुदायिक विद्यालयमा र धार्मिक विद्यालयमा यसै वर्ष देखि अंग्रेजी माध्यमबाट नर्सरी देखी कक्षा एक सम्म पठन पाठन सुरु गरिएको छ ।
अंग्रेजी माध्यमबाट पढाई सुरु गर्दा बालबालिकाको उपस्थिति बाक्लो देखिएको छ । ओमसतिया अन्तर्गत रहेका विद्यालयमा अग्रेजी माध्यमबाट पढाउन सक्ने खालका शिक्षकलाई लिखित र मौखिक परीक्षा लिई छनोट गरी करारमा नियुक्ति गरिएको छ । ओमसतियामा तीन वटा माध्यमिक विद्यालय छन् । नेपाल सरकारको नीति अनुसार माध्यमिक विद्यालयलाई दश जोड दुई र निम्न माध्यमिक विद्यालयलाई माध्यमिक बनाउने लक्ष्य रहेको छ ।
हिरा केवट (राहुल) अध्यक्ष, ओमसतिया गाउँपालिका
जनताको आवश्यकतालाई कसरी समाधान गर्नुभएको छ ?
–स्थानीय सरकाले जनताको सामूहिक समस्या प्रति विशेष चासो राखेको छ । शिक्षा स्वास्थ्य पानी बाटोघाटो लामो समय नरहेको अवस्थामा अहिले गाउँगाउँमा पुग्ने सम्म समस्या समाधान गरिएको छ ।
गाउँपालिकाका प्राथमिकताहरु के के छन् ?
–गाउँपालिका भित्र भौतिक संरचना निर्माण, शिक्षा सुधार कार्यक्रम, बैज्ञानिक कृषि प्रणाली लागु गर्नै, बेरोजगार युवा लाई स्वारेजगार बनाउनका लागी आय आर्जनका कार्यक्रम, सिपमुलक तालिम लगायतका बिषेश कार्यक्रम प्राथमिकतामा राखिएको छ । बीस हजारको बालिका बीमा पनि प्राथमिकतामा राखिएको छ ।
बजेट बिनियोजन कसरी भैरहेको छ ?
–प्रत्येक वडालाई ८० लाखका दरले बजेट विनियोजन गरिएको छ । वडाका ठूला योजना देखि सानो योजनाका कार्य भईरहेको छ । योजनाको गाउँपालिकाबाट अनुगमन कार्य पनि भइरहेको छ ।
निर्वाचनमा जनता सामु गरेका प्रतिबद्धता के के पूरा गर्नुभयो ?
–निर्वाचनका बेलामा जनता सामु गरेका केही प्रतिबद्धता पुरा भएको छ । केही बाँकी छन् । पाँच वर्ष भित्र हामीले गरेका सबै प्रतिबद्धता पुरा गर्छाैँ । कृषि आधुनिकीकरणका लागि पहल भैरहेको छ । ठाउँ ठाउँमा बोरिङको व्यवस्था गरिएको छ । किसानले बोरिङबाट सिँचाई गर्नका लागि पनि पहल भईरहेको छ । दैवी प्रकोपका लागि विपत व्यवस्थापन गरिएको छ । उत्कृष्ट कृषकलाई सम्मान, स्वस्थ र स्वच्छ पानीका लागि हैण्ड पाइप वितरण गरिएको छ । धार्मिक क्षेत्रको संरक्षण गरिएको छ । आर्थिक र शारीरिक रुपमा अपाङ्ग भएका व्यक्तिलाई ह्वील चेयर वितरण गरिएको छ ।
गाउँपालिका सरकार प्रमुख भएर काम गर्दा के के जटिलताको सामना गर्नुपरेको छ ?
–जति राम्रोसँग काम गरेपनि विपक्षी दलले सकारात्मक देख्दैनन् । तर जनता सचेत छन् । कसैको भ्रामक प्रचारको पछाडि जनता लाग्दैनन् । पाँच वर्षमा ओम सतियालाई नमुना बनाउँछौँ ।
यहाँका जनता, राजनैतिक दल, सँघ संस्थाले के कस्तो भूमिका खेले भने काम गर्न सहज हुन्छ ?
–कुनै पनि कामलाई सकारात्मक सोच राखेमा काम गर्न सजिलो हुन्छ । विपक्षी दलले राम्रो काम गर्दा गर्दै गलत प्रचार गर्छन । सबै संघ संस्था र जनताले रचनात्मक सुझाव दिएमा जनताको लागि ओमसतियाबासीका लागि गर्वको विषय हुने छ ।
विकासका दृष्टिकोणले पछाडि परेको ओमसतियाको विकास विस्तारमा यहाँको भुमिका के के हुन्छ ?
समग्ररुपले हेर्दा जिकास निर्माण कार्य भइरहेको ओमसतियालाई अझै विकसित बनाउनका लागि मेरो लक्ष्य र योजना रहेको छ । ओम सतियामा चिनिया लगानीका साथै दातृ निकाय र छिमेकी मुलुकलाई योजना पठाई विकास निर्माणलाई तीव्रता दिनेछौँ । विकासका लागि चुनौती पनि छन् । ती चुनौतीलाई समाधान गर्दै हामी अगाडि बढ्ने छौँ ।
अन्तमा लुम्बिनीखबर मापर्mत केही भन्नु छ कि ?
ओमसतियाबासीलाई धन्यवाद दिन चाहन्छु । जनताका समस्या प्रति हामी निकै गम्भिर छौँ। सबैले सकारात्मक सोच राखौँ र विकास निर्माणमा जुटौँ ।
