धकधई । रुपन्देहीको ओमसतिया गाउँपालिका–५ गौरीस्थित श्री सतियामाई मन्दिरमा प्रत्येक वर्ष कात्तिक शुक्ल पूर्णिमामा लाग्ने मेलामा यस वर्ष पनि लाखौ भक्तजन तथा दर्शानार्थीहरुको घुँइचो सहित मेला सम्पन्न भएको छ । कात्तिक शुक्ल पूर्णिमाका दिन यहाँ विशेष मेला लाग्ने गरेको छ । ओमसतियामा लाग्ने मेला सिलौटिया मेला भन्ने नामले पनि चर्चित छ ।
रुपन्देही सहित छिमेकी जिल्ला पश्चिम नवलपरासी, कपिलवस्तु तथा भारतका विभिन्न स्थानबाट लाखौ भक्तजन तथा दर्शानार्थिहरु मेला भर्न आएको मेला आयोजक समिति सदस्य पशुपति यादवले बताए ।
प्राचीन कालदेखि नै यहाँ मेला लाग्दै आएकोले श्री सतियामाई मन्दिरमा पूजा गरी भक्तजनहरुले भाकल गरेको पूरा हुने विश्वासका साथ यस दिन व्रत समेत बस्ने परम्परा रहेको ओमसतिया गाउँपालिकाका वडा नम्बर ५ का वडा अध्यक्ष ओम प्रकाश चौधरीले बताए । चौधरीले सबै धर्म संस्कृतिको रक्षा गरी धार्मिक संहिष्णुता कायम गर्न मेला प्रत्येक वर्ष निरन्तर मेला लाग्ने गरेको बताए ।
मेलामा शनिबार र आइतबार दुई दिन नेपालका चर्चित पहलवानहरु र भारतीय पहलवानहरुको बीचमा कुस्ती महामुकाविला समेत भएको आयोजकले जनाएको छ ।
