असलम खान
मर्चवार, चैत । रुपन्देहीको सम्मरीमाई गाउँपालिका वडा नम्बर ६ मा रमजानको अवसरमा ९० घरपरिवारलाई राहत वितरण गरेको छ ।
इस्लामहरुको महान पर्व रमजान चैत ९ गते विहिवार देखि तरविह भई चैत १० देखि रोजा बस्दै आएको देखिन्छ । रमजान चलिरहेको अवसरमा मरकज अल.रियाया अल.इजतेमाईया भन्ने संस्थाले ९० घरपरिवारलाई राहत वितरण गरेको छ । मरकज अल.रियाया अल.इजतेमाईया सम्मरीमाई ६ का संस्थापक अध्यक्ष वसिम अहमद सल्फीले बताएका छन् । सल्फीका अनुसार रमजानको समयमा म र हाम्रो संस्थाले विभिन्न ठाउँमा रोजा इफ्तार गराउने, राहतहरु वितरण गर्ने गरेको छ । सम्मरीमाई गाउपालिका वडा नम्बर ६ असुरैनाको मुस्लिम टोलमा १ सय ५० जना लाई रोजा इफ्तार (रोजा खुलाउने) यस संस्थाले गराएको अध्यक्ष सल्फीले जानकारी दिएका छन् ।
