सुरज ज्ञवाली
सिद्धार्थनगर, १४ बैशाख । रुपन्देहीको तिलोत्तमा नगरपालिकामा हाईवे फ्रि वाईफाई कार्यक्रम बैशाख ११ गते सोमवारबाट सुरु भएको छ ।
तिलोत्तमा नगरपालिका भित्रको हाइवे सडकमा फ्रि वाईफाई जडान गरिएको छ । तिलोत्तमा नगरपालिकाले सिद्धार्थ राजमार्गमा निःशुल्क वाईफाई उपलब्ध गराएको छ । नगरपालिकाले कार्यालयको गतिविधिबारे जनतालाई जानकारी दिने उद्देश्यले सोमबार देखि यो सेवा सुरु गरेको हो ।
नगरपालिकाको हाइवे सडकमा जडान गरिएका वाईफाई कनेक्ट गर्दा प्रयोगकर्ताले विभिन्न किसिमका विज्ञापन देखे पछि मात्र उक्त नगरपालिकाको वाईफाई नेटवर्क अरु कामका लागि प्रयोग गर्न पाइने प्रणाली रहेको छ । वाईफाई कनेक्ट गरेपछि पालिकाका विभिन्न सामग्री समावेश गरिएको विज्ञापन देखिने गरि बनाइएको छ ।
वाईफाई निःशुल्क जडान गर्नुको मुख्य उद्देश्य अहिलेको आधुनिक युगमा सबै सूचना तथा सन्देशहरु सबैको पहुँच पु¥याउनका लागि हाईवे फ्रि वाईफाई कार्यक्रम आएको हो ।
नगरपालिकाले आफ्नै पूर्वाधार मार्फत इन्टरनेट उपलब्ध गराउन सुरु गरेको छ । जसरी मोबाइलमा राखिएको सिमले आफ्नो नजिकको टावरसँग जोडिएको हुन्छ, त्यसरी नै वाईफाईको नेटवर्कका विभिन्न उपकरणहरूसँग जोडिएर सम्पूर्ण प्रणाली नगरपालिकाको कार्यालयबाट नियन्त्रित हुने गरी हाइवे फ्रि वाईफाई जडान गरिएको हो ।
नगरपालिकाले जडान गरेको वाईफाई इन्टरनेटको माध्यमबाट टिकटक नचल्ने गरी बनाइएको छ ।
नगरपालिकाले जडान गरेको वाईफाईको मुख्य लक्ष्य भनेको जनतालाई सूचना दिने अभियानका साथ हाइवे फ्रि वाईफाई सूचना राजमार्गका रूपमा अगाडि बढाइएको अभियान हो । सूचनाका लागि टिकटक त्यति भरपर्दाे माध्यम होइन । त्यसैले नगरपालिकाले टिकटक नचल्ने गरी रहेको सरोकारवाले बताएका छन् ।
